3 снежня вучні 6-8 класаў наведалі Дом-музей Максіма Багдановіча ў Гродна. Падчас экскурсіі навучэнцы пазнаёміліся з дзяцінствам будучага класіка беларускай літаратуры. Тут яны ўбачылі першы фотаздымак Максіма і яго маці, сямейны фотаздымак Багдановічаў, зробленыя ў Гародні. Даведаліся пра трагічныя старонкі ў жыцці паэта - смерць маці Марыі Апанасаўны Багдановіч. Убачылі асабістыя рэчы паэта -рамку для фотаздымкаў і срэбную гарбатную лыжачку, зборнік "Вянок". Вучні з цікавасцю разглядалі дзіцячы пакой, прадметы інтэр'еру ( ложак,пісьмовы столік, гадзіннік), цацкі. Асабліва ўразіла вучняй фізгармонія. Давялося нават пачуць, як іграе гэты музыкальны інструмент.
Напрыканцы экскурсіі вучні паглядзелі ў "чароўнае" люстэрка і загадалі жаданне. Навучэнцы засталіся пад прыемным уражаннем ад экскурсіі.Экскурсія ў Дом-музей М.Багдановіча
Comments